នេះអាចជាដំណឹងដ៏ល្អមួយសម្រាប់អ្នកប្រើប្រាស់ iPhone ឬ iPad ទាំងឡាយ ព្រោះក្នុងពេលឆាប់ៗខាងមុខនេះអ្នកនឹងអាចធ្វើការលុបនូវកម្មវិធីដែលមានមកស្រាប់លើទូរសព្ទបានហើយ។
នៅក្នុងកិច្ចសម្ភាសន៍ជាមួយនឹងវិបសាយ BuzzFeed លោក Tim Cook នាយកប្រតិបត្តិក្រុមហ៊ុន Apple បានមានប្រសាសន៍ថាក្ រុមហ៊ុនកំពុងតែស្វែងរកវិធីដែលអាចឲ្យអ្នកប្រើប្រាស់ iPhone និង iPad ទាំងឡាយធ្វើការលុបកម្មវិធីមានដំឡើងស្រាប់បាន។ លោក Tim Cook បានទទួលស្គាល់ថា អ្នកប្រើប្រាស់ iDevice ភាគច្រើនគឺពិតជាចង់លុបនូវកម្មវិធីទាំងអស់នោះចោលណាស់។
លោក Tim Cook បានបន្តថា នេះអាចជារឿងរាវដ៏ស្មុគស្មាញមួយ ព្រោះមានកម្មវិធីមួយចំនួនគឺពាក់ព័ន្ធទៅនឹងកម្មវិធីដទៃ ដូចនេះប្រសិនបើធ្វើការលុបកម្មវិធីណាមួយនោះនឹងអាចបង្កបញ្ហាដល់ iDevice បាន។ ប៉ុន្តែមានកម្មវិធីមួយចំនួនគឺមិនមានពាក់ព័ន្ធនឹងកម្មវិធីដទៃនោះទេ ដូចនេះចំពោះកម្មវិធីដែលមិនមានបង្កផលប៉ះពាល់គេនឹងរិះរកវិធីដើម្បីអាចឲ្យអ្នកលុបចេញបាន។ ទោះជាយ៉ាងណា លោក Tim Cook មិនបានបញ្ជាក់ពីពេលវេលាជាក់លាក់ណាមួយទាក់ទងនឹងការលុបកម្មវិធីនេះទេ។
គួរបញ្ជាក់ថា នៅលើ iOS 8 គេបានបន្ថែមនូវកម្មវិធី Health, Podcast និង Tips ចំណែកនៅលើ iOS 9 វិញគេបានបន្ថែមកម្មវិធី Find My iPhone, Find My Friends និង News ហើយកម្មវិធីទាំងអស់នេះសុទ្ធតែមិនអាចលុបចេញបាននោះទេ៕
Sign up here with your email
Conversion Conversion Emoticon Emoticon