Buriram United ទទួលស្គាល់ថាក្រុមខ្មែរខ្លាំងមែន ហើយសូមសរសើរដល់អ្នកគាំទ្រ

ក្លឹបបាល់ទាត់ Buriram United បានសរសើរចំពោះទម្រង់លេងយ៉ាងល្អរបស់ក្រុម Cambodia All Stars ដែលមានប្រាក់ មុន្នីឧត្តម និងចាន់ វឌ្ឍនាកា ជាអ្នករកគ្រាប់បាល់ឱ្យកម្ពុជាតាមស្មើ Buriram រហូតដល់ចប់ការប្រកួតនិងឈានដល់ការទាត់បាល់ប៉េណាំងទី១១ម៉ែត្រ។

12583902_762928857146178_1178001955_n (1)

ផេកផ្លូវការរបស់ Buriram United បានសរសេរថា “នេះជាការប្រកួតដ៏ពិសេសមួយ ហើយក្រុមកម្ពុជា [Cambodia All Stars] លេងបានយ៉ាងល្អ។ ក្រុមយើងបានប្តេជ្ញាចិត្តជាខ្លាំងចំពោះការប្រកួត តែដោយសារតែយើងមិនសូវបានហ្វឹកហាត់គ្រប់គ្រាន់ទើបបរាជ័យបែបនេះ…ការប្រកួតតែងមានចាញ់មានឈ្នះជារឿងធម្មតា។ យ៉ាងណាក៏ដោយយើងពិតជារំភើបចំពោះប្រិយមិត្តគាំទ្រកម្ពុជាជាច្រើនម៉ឺននាក់ដែលបានស្វាគមន៍យ៉ាងកក់ក្តៅនិងជាកម្លាំងចិត្តធ្វើឱ្យ Cambodia All Stars ឈ្នះបែបនេះ”។