ក្រុមហ៊ុន Apple បានចាប់ផ្តើមផលិតបន្ទះ Force Touch សម្រាប់ស៊េរី iPhone 6s ទាំងពីរម៉ូដែលលក្ខណៈទ្រង់ទ្រាយធំ។ នេះបើតាមការបញ្ជាក់ពីសារព័ត៌មានតៃវ៉ាន់ DigiTimes។
បើតាមការបញ្ជាក់ពី DigiTimes បានឱ្យដឹងថា បន្ទះ Force Touch សម្រាប់ iPhone 6s/6s Plus ដែលផ្គត់ផ្គង់ដោយ ក្រុមហ៊ុន TPK បានចាប់ផ្តើមដឹកជញ្ជូនតាំងពីខែ មិថុនា ហើយការផលិតលក្ខណៈទ្រង់ទ្រាយធំ គឺទើបតែចាប់ផ្តើមនៅកក្កដានេះឯង ដើម្បីអាចផលិតរួចរាល់នៅខែកញ្ញាខាងមុខនេះ។
TPK បានប្រាប់ DigiTimes ថា ប្រាក់ចំណូលរបស់ខ្លួននឹងកើនដល់ ៥០ភាគរយ នៅត្រីមាសទី៣ ដោយសារតែការផ្គត់ផ្គង់បច្ចេកវិទ្យា Force Touch សម្រាប់ Apple នេះ។
ប្រភពដដែលបានបន្តទៀតថា Apple រំពឹងថានឹងលក់ iPhone ជំនាន់ក្រោយទាំងពីរម៉ូដែលនេះ បានដល់ ៣៦-៤០ លានគ្រឿង នៅត្រីមាសទីបី និង ៥០លានគ្រឿងនៅត្រីមាសទី៤។
ព័ត៌មានលេចឮជាហូរហែកន្លងមកថា iPhone 6s/6s Plus នឹងមានអេក្រង់ ៤,៧អ៊ីញ និង ៥,៥អ៊ីញ, Processor ប្រភេទ A9, RAM 2GB, កាមេរ៉ាមុខ 5MP និង ក្រោយ 12MP និងអ្វីដែលរឹតតែពិសេសនោះ គឺបច្ចេកវិទ្យា Force Touch ដែលកំពុងតែផលិតនេះឯង ហើយ Apple គ្រោងប្រកាស iPhone ទាំងពីរម៉ូដែលនៅខែកញ្ញាខាងមុខនេះ៕
ប្រែសម្រួល៖ ប៉ែត ផាន់និត
ប្រភព៖ phonearena
Sign up here with your email
Conversion Conversion Emoticon Emoticon