កំពូលកីឡាករប្រដាល់ហ្វីលីពីន Manny Pacquiao មានបំណងចង់វាយសងសឹងជាមួយកីឡាករអាមេរិក Floyd Mayweather សាជាថ្មីនៅឆ្នាំ២០១៦ខាងមុខ បន្ទាប់ពីខ្លួនបានចាញ់ដោយពិន្ទុកាលពីខែឧសភាកន្លងទៅ។
ក្រោយពីចាញ់ Floyd នៅក្នុងទឹកដីអាមេរិក Pacquiao នៅតែមានអារម្មណ៍មិនសប្បាយចិត្តចំពោះការប្រកួតកន្លងទៅ។ អ្នកប្រដាល់អាស៊ីរូបនេះជឿជាក់ខ្លួនឯងឈ្នះដោយបានវាយសន្ធប់ចេញច្រើនរហូតដល់ Floyd រត់ពេញសង្វៀន។ ប៉ុន្តែ ឥលូវ Pacquiao បើកចំហការវាយឡើងវិញម្ដងទៀត។ នេះតាមការឲ្យដឹងពី Fight News ។
Pacquiao បាននិយាយថា៖ “ឆ្នាំនេះខ្ញុំចង់ប្រមូលផ្ដុំអារម្មណ៍ធ្វើកិច្ចការនយោបាយរបស់ខ្ញុំសិន បន្ទាប់មកខ្ញុំមានគម្រោងចង់វាយជាមួយ Floyd ម្ដងទៀត។ ខ្ញុំត្រៀមខ្លួនរួចរាល់សម្រាប់ផ្លូវអារម្មណ៍និងផ្នែករាងកាយសម្រាប់ការប្រកួតឆ្នាំក្រោយ។ ខ្ញុំនឹងបញ្ចេញបច្ចេកទេសនៃការវាយឲ្យល្អជាងការប្រកួតលើកដំបូង។
បន្ទាប់ពីការប្រកួត អ្នកប្រដាល់មិនដែលចាញ់ Floyd ក៏ធ្លាប់បង្ហើបដែលថា ខ្លួនស្វាគមន៍ជានិច្ចសម្រាប់ការចង់ប្រកួតសងសឹករបស់ Pacquiao ។ ប៉ុន្តែក្រោយមកក៏ប្ដូរចិត្តលែងចង់វាយវិញ ដោយហៅ Pacquiao ថាមនុស្សកំសាក។
កាលពីថ្ងៃទី២ ដើមខែឧសភាកីឡាករសញ្ជាតិហ្វីលីពីន Manny Pacquiao បានចាញ់អ្នកប្រដាល់អាមេរិក Floyd Mayweather ដោយពិន្ទុជាឯកច្ឆន្ទពីចៅក្រមទាំងបីរូប ១១៨-១១០, ១១៦-១១២ និង ១១៦-១១២៕
Sign up here with your email
Conversion Conversion Emoticon Emoticon