សម្រាប់អ្នកចូលចិត្តធ្វើដំណើរទៅប្រទេសផ្សេងៗដោយយកជា iPad ទៅជាមួយ ឥឡូវនេះអ្នកអាចប្រើនូវស៊ីមកាត (Apple SIM) ថ្មីរបស់ក្រុមហ៊ុន Apple ផ្ទាល់បាន។
កាលពីថ្ងៃអង្គារកន្លងទៅ ក្រុមហ៊ុនផ្ដល់សេវាទូរគមនាគមន៍របស់អាមេរិក GigSky បានប្រកាសថា ខ្លួនបានសហការជាមួយនឹងក្រុមហ៊ុន Apple ដើម្បីផ្ដល់គម្រោងទិន្នន័យសេវាអ៊ីនធឺណិត Wireless ល្បឿនលឿនក្នុងបណ្ដារប្រទេសច្រើនជាង៩០ ទូទាំងពិភពលោក។
ប៉ុន្តែបច្ចុប្បន្ននេះ Apple SIM គឺអាចប្រើបានតែជាមួយ iPad ម៉ូដែលចុងក្រោយ (iPad Air 2 និង iPad mini 3) តែប៉ុណ្ណោះ។ Apple SIM នឹងដាក់លក់នៅតាមហាងលក់រាយរបស់ Apple នៅលើទីផ្សារចំនួន១០ ប្រទេសក្នុងសប្ដាហ៍ខាងមុខនេះ មានដូចជា អូស្ត្រាលី, កាណាដា, បារាំង, អាល្លឺម៉ង់, អ៊ីតាលី, ហូឡង់, អេស្ប៉ាញ, ស៊ុយអែត, ស្វីស និងតួកគី។ ហើយនៅពេលនេះ Apple SIM គឺមានលក់នៅអាមេរិក និងអង់គ្លេសហើយ។
ឥឡូវនេះ បណ្ដាញ Network របស់ GigSky អាចគ្របដណ្ដប់លើបណ្ដារប្រទេសច្រើនជាង៩០ នៅក្នុងបណ្ដាទ្វីបអាមេរិកខាងជើង អឺរ៉ុប អូស្រ្តាលី អាមេរិកខាងត្បូង អាស៊ី និង អាហ្វ្រិក។ អ្វីដែលពិសេសនោះ សេវាកម្ម GigSky នេះក៏មានគ្របដណ្ដប់ប្រទេសកម្ពុជាដែរ។
ចំពោះតម្លៃគម្រោងទិន្នន័យរបស់ GigSky វិញគឺផ្អែកទៅតាមប្រទេសនីមួយៗ ឧ. 20 MB រយៈពេល ៣ថ្ងៃ តម្លៃ ១០ ដុល្លារ ឬទំហំ 250 MB រយៈពេល៣០ថ្ងៃ តម្លៃ៥០ដុល្លារនៅរុស្សី និង ប្រេស៊ីល។ ដល់ពេលសេវានេះទៅដល់ នៅឥណ្ឌា និងរុស្ស៊ី ១០ដុល្លារអាចទិញបានទំហំ 40 MB ប្រើរយៈពេល៣ថ្ងៃ ឬ៥០ដុល្លារទិញបានទំហំ 500 MB ប្រើរយៈពេលជាងមួយខែជាដើម៕
ប្រែសម្រួល៖ សំនៀង
ប្រភព៖ appleinsider
ប្រភព៖ appleinsider
Sign up here with your email
Conversion Conversion Emoticon Emoticon