ចុងសប្ដាហ៍នេះ នៅទីក្រុងភ្នំពេញនិងខេត្តសៀមរាបនឹងមានរៀបចំព្រឹត្តិការណ៍ Google I/O Extended Phnom Penh និង Google I/O Extended Siem Reapដែលនឹងនាំមកនូវអ្នកអភិវឌ្ឍន៍កម្មវិធីទាំងក្នុងស្រុកនិងក្នុងតំបន់ ដែលពួកគេនឹងមកចែករំលែកគំនិតនិងទស្សនៈដល់អ្នកជំនាញបច្ចេកវិទ្យានិងអ្នកដែលចូលចិត្តបច្ចេកវិទ្យារបស់ Google។
Google I/O ជាសន្និសីទប្រចាំឆ្នាំដែលផ្ដោតជាសំខាន់លើអ្នកអភិវឌ្ឍន៍កម្មវិធី ដែលរៀបចំឡើងជារៀងរាល់ឆ្នាំនៅក្រុមហ៊ុន Google ក្នុងទីក្រុង San Francisco រដ្ឋ California សហរដ្ឋអាមេរិក។ ព្រឹត្តិការណ៍ Google I/O Extended ត្រូវបានធ្វើឡើងនៅគ្រប់ទីកន្លែងទូទាំងពិភពលោក។ ដោយឡែកប្រទេសកម្ពុជា នេះជាឆ្នាំទីពីរដែលព្រឹត្តិការណ៍នេះរៀបចំឡើងបន្ទាប់ពីលើកទីមួយកាលពីឆ្នាំ២០១៤នៅរាជធានីភ្នំពេញ ទទួលបានជោគជ័យយ៉ាងត្រចះត្រចង់។
ប្រិយមិត្តជាអ្នកអភិវឌ្ឍកម្មវិធី ឬចង់ក្លាយជាអ្នកអភិវឌ្ឍកម្មវិធី អាចចូលរួមកម្មវិធីនេះដោយសេរីដើម្បីស្វែងយល់ផ្លាស់ប្តូរបទពិសោធន៍ពីអ្នកជំនាញ Google ក៏ដូចជាអ្នកអភិវឌ្ឍក្នុងស្រុកដែលពួកគេនឹងចែករំលែកទស្សនៈនិងគំនិតពីអភិវឌ្ឍន៍បច្ចេកវិទ្យាដល់អ្នកចូលរួម។
នៅទីក្រុងភ្នំពេញ Google I/O Extended Phnom Penh នឹងធ្វើឡើងនៅអាគារ Development Innovations នាថ្ងៃសៅរ៍ទី ១១ កក្កដា ចាប់ពីវេលាម៉ោង ៨ ០០ ព្រឹកដល់ម៉ោង ៥ ០០ ល្ងាច។
ចំណែកនៅខេត្តសៀមរាប Google I/O Extended Siem Reap នឹងរៀបចំឡើងនៅ The 1961 Coworking and Art Space នាថ្ងៃអាទិត្យទី ១២ កក្កដា ចាប់ពីវេលាម៉ោង ៨ ០០ ព្រឹកដល់ម៉ោង ៥ ០០ ល្ងាច៕
អត្ថបទ៖ ប៊ុណ្ណារ៉ា
Sign up here with your email
Conversion Conversion Emoticon Emoticon