គួរអោយភ្ញាក់ផ្អើល អំពីភពថ្មីមួយ ដែលស្ទើរតែដូចទៅនឹងផែនដី

ថ្មីៗនេះអង្គការវិទ្យាសាស្រ្ត NASA បានប្រកាសថា ពួកគេបានរកឃើញ ភពថ្មីមួយទៀតហើយ ដែលម្តងនេះ គឺមានរូបរាងស្រដៀងទៅនឹង ភពផែនដីរបស់យើងតែម្តង ហើយមានលក្ខណៈ មួយចំនួនស្រដៀង ទៅនឹងភពផែនដីយើង។ ភពមួយនេះដែរ ត្រូវបានអោយឈ្មោះថា Kepler 452b។

Kepler 452b ត្រូវបានរកឃើញដោយអង្គការ NASA ដែលមានចម្ងាយ 1,400 ឆ្នាំពន្លឺ ពីភពផែនដីរបស់យើង។ វាដើរជុំវិញគន្លងផ្កាយមួយ ដែលមានម៉ាស ធំជាង 4% និងមានពន្លឺភ្លឺជាង 10% ធៀបទៅនឹង ព្រះអាទិត្យ។ ភពផែនដីទី២ នេះដែរ មានទំហំធំជាង ផែនដីរបស់យើង 1.6 ដង ហើយត្រូវបានគេ អោយឈ្មោះ មួយទៀតថា Super-Earth។ ក៏ប៉ុន្តែអ្នកវិទ្យាសាស្រ្ត បានបញ្ជាក់ដែរថា ភពមួយនេះ គឺសម្បូរទៅដោយថ្ម។ ភពមួយនេះ ដើរតាមគន្លងផ្កាយរបស់វា ក្នុង១ជុំ អស់រយៈពេល 384.84 ថ្ងៃ ខណៈដែលផែនដី ដើរជុំវិញ ព្រះអាទិត្យ ក្នុង១ជុំ អស់រយៈពេល 365 ថ្ងៃ។ នេះក៏ព្រោះតែវា ឆ្ងាយជាង 5% បើប្រៀបធៀបពីផែនដីរបស់យើង ទៅកាន់ព្រះអាទិត្យ។

NASA ក៏បានបន្ថែមដែរថា វាពិតជាមានភាពលំបាក ខ្លាំងណាស់ ក្នុងការស្រាវជ្រាវ ទៅលើ វត្ថុមានជីវិត នៅលើភពមួយនេះ ប៉ុន្តែទោះជាយ៉ាងណាក៏ដោយ ពួកគេក៏បានបញ្ជាក់ដែរថា ពួកគេនឹងខិតខំប្រឹងប្រែង ធ្វើការសិក្សា ទៅលើបរិយាកាស និងសញ្ញាផ្សេងៗ ដែលមាន នៅក្នុងភពមួយនេះ បើទោះបី ជាវាមានរយៈចម្ងាយ ឆ្ងាយពីភពផែនដី របស់យើងក៏ដោយ។

គួរ​អោយ​ភ្ញាក់​ផ្អើល អំពី​ភពថ្មីមួយ ​ដែល​ស្ទើរ​តែ​ដូច​ទៅ​នឹង​ផែន​ដី

គួរអោយភ្ញាក់ផ្អើល អំពីភពថ្មីមួយ ដែលស្ទើរតែដូចទៅនឹងផែនដី