Apple ទើបតែបានធ្វើការ ដាក់បង្ហាញកុំព្យូទ័រ ស៊េរី MacBook Pro 2015 អេក្រង់ទំហំ 15 អ៊ីញថ្មីរបស់ខ្លួន ដែលវាបានផ្លាស់ប្តូរ គ្រឿងម៉ាស៊ីនអោយកាន់តែ ដំណើរការបានល្អជាងមុន ហើយវាក៏មានបច្ចេកវិទ្យាថ្មីៗផងដែរ។ បច្ចេកវិទ្យាទ្រនាប់ Force Touch ដែលអនុញ្ញាត្តិអោយអ្នក ធ្វើការបញ្ជាកុំព្យូទ័រ នៅលើទ្រនាប់ ចុចបានកាន់តែពិសេស និងមានភាពស្និទក្នុងដៃជាងមុន ក៏មានបំពាក់ នៅលើកុំព្យូទ័រ ស៊េរីថ្មីនេះផងដែរ មិនអោយចាញ់កុំព្យូទ័រ New MacBook ស៊េរី 2015 នោះទេ។ MacBook Pro 15អ៊ីញថ្មីនេះ ក៏អាចផ្ទេរទិន្ន័យបានលឿនជាងមុនផងដែរ រហូតដល់ 2.5 ដងឯណោះ (ម៉ូឌែល 2,500$) ហើយក៏មានថាមថ្មខ្លាំង អាចប្រើបានយូរជាងមុន ចំនួនមួយម៉ោងផងដែរ។
MacBook Pro 15អ៊ីញ ស៊េរី 2015 នេះមានម៉ាស៊ីន ចំនួនពីរប្រភេទ អាស្រ័យទៅលើតម្រូវការ និងលទ្ធភាពអ្នកប្រើប្រាស់។ ខាងក្រោមនេះ គឺជាលក្ខណៈសម្បត្តិ របស់ប្រភេទម៉ាស៊ីន នីមួយៗ។
15 អ៊ីញ: ស៊ីភីយូ 2.2Ghz ជាមួយអេក្រង់ Retina (1,999$)
- ស៊ីភីយូ Quad-core Intel Core i7 2.2Ghz អាចបង្កើនល្បឿនដល់ 3.4Ghz
- រ៉េមទំហំ 16GB 1600MHz
- អង្គរក្សាទិន្នន័យ 256GB Pcle-based
- អង្គក្រាហ្វិក Intel Iris Pro
15 អ៊ីញ: 2.5Ghz ជាមួយអេក្រង់ Retina (2,499$)
- ស៊ីភីយូ Intel Quad-core Core i7 2.5Ghz អាចបង្កើនល្បឿនដល់ 3.7Ghz
- រ៉េមទំហំ 16GB 1600MHz
- អង្គរក្សាទិន្នន័យ 512GB Pcle-based
- អង្គក្រាហ្វិក Intel Iris Pro + AMD Radeon R9 M370X ជាមួយម៉េម៉ូរី 2GB GDDR5
ស្របពេលគ្នានេះដែរ Apple ក៏បានធ្វើការដាក់បង្ហាញ កុំព្យូទ័រ iMac អេក្រង់ Retina អាចបង្ហាញរូបភាពខ្ពស់ដល់ 5K របស់ខ្លួនផងដែរ ដែលវាមានតម្លៃធូរថ្លៃជាង ស៊េរីមុន។ វាដំណើរការដោយ ស៊ីភីយូ Intel Core i5 Quad-core ល្បឿន 3.3Ghz អាចរត់ដល់ល្បឿន 3.7GHz ប្រើកា្រហ្វិក R9 M290 with 2GB រ៉េមទំហំ 8GB និងអង្គផ្ទុកទិន្នន័យទំហំ 1TB។ វាមានតម្លៃប្រមាណ 1,999 ដុល្លារសហរដ្ឋអាមេរិច ហើយ Apple ក៏បានបញ្ចុះតម្លៃស៊េរី មុនដែលមានកម្លាំងខ្លាំងពី 2,499$ មក 2,299 ដុល្លារផងដែរ។
Sign up here with your email
Conversion Conversion Emoticon Emoticon