Windows 10 នឹងក្លាយជាប្រព័ន្ធប្រតិបត្តិការ Windows ជំនាន់ក្រោយបង្អស់របស់ Microsoft។ នេះបើតាមការបញ្ជាក់របស់លោក Jerry Nixon ដែលជាប្រធានផ្នែកអភិវឌ្ឍន៍របស់ក្រុមហ៊ុន Microsoft និយាយក្នុងសន្និសីទមួយនៅសប្ដាហ៍នេះ។
“ពេលនេះយើងកំពុងដាក់ឲ្យប្រើប្រាស់ Windows 10… ហើយដោយសារតែ Windows 10 ជាជំនាន់ចុងក្រោយនៃប្រព័ន្ធប្រតិបត្តិការ Windows យើងនៅតែធ្វើការជាមួយ Windows 10”។ លោក Jerry Nixon និយាយក្នុងសន្និសីទបច្ចេកវិទ្យា Ignite នៅទីក្រុង Chicago សហរដ្ឋអាមេរិក។
ទោះបែបក្ដី ក្រុមហ៊ុនបច្ចេកវិទ្យាយក្ស Microsoft មិនទាន់សម្រេចចិត្តថា ប្រព័ន្ធប្រតិបត្តិការថ្មីនឹងត្រូវដាក់ឈ្មោះអ្វីបន្ទាប់ពី Windows 10 នោះទេ។ អនុប្រធានផ្នែកស្រាវជ្រាវនៅក្រុមហ៊ុនវិភាគ Gartner លោក Steve Kleynhans បានបញ្ជាក់ថា “គ្មានប្រព័ន្ធប្រតិបត្តិការ Windows 11 ដាក់ឲ្យប្រើប្រាស់ទេ”។
លោកបាននិយាយថា កន្លងមក Microsoft មានចេតនាមិនប្រើឈ្មោះ “ប្រព័ន្ធប្រតិបត្តិការ Windows 9” ហើយប្រើប្រាស់ឈ្មោះ “ប្រព័ន្ធប្រតិបត្តិការ Windows 10” ជំនួស ជាសញ្ញាបញ្ចប់អតីតកាលជាមួយកំណែប្រែបន្តបន្ទាប់នៃប្រព័ន្ធប្រតិបត្តិការ Windows។ យ៉ាងណាក្ដី លោកបានអះអាងថា ការធ្វើរបៀបនេះនឹងបង្កើតបញ្ហាជាច្រើនដល់ក្រុមហ៊ុន Microsoft ក៏ដូចជាអតិថិជនរបស់ខ្លួន៕
Sign up here with your email
Conversion Conversion Emoticon Emoticon