ចំណុចខ្លាំងរបស់ iOS ដែលយើងពេញចិត្ត! ចុះសម្រាប់អ្នកវិញ?

អស់រយៈពេលជាច្រើនឆ្នាំមកហើយ ដែលអ្នកប្រើប្រាស់ ប្រព័ន្ធប្រតិបត្តិការណ៍ Android និង iOS នៅតែបន្តទាស់សំដីគ្នា នៅឡើយទេ ទាក់ទងទៅនឹង គុណសម្បត្តិរបស់ ប្រព័ន្ធប្រតិបត្តិការណ៍ ទាំងពីរនេះ។ សម្រាប់ខ្ញុំផ្ទាល់ ទាំង iOS និង Android វាមានគុណសម្បត្តិរៀងៗខ្លួន ហើយយើងវា អាស្រ័យទៅលើខ្លួនអ្នកផ្ទាល់ ថាអ្នកពេញចិត្តវារឺក៏អត់។ ឆ្លៀតពេលនេះ យើងសូមបង្ហាញ អំពីលក្ខណៈពិសេស របស់ប្រព័ន្ធប្រតិបត្តិការណ៍ iOS ដែលវាគឺជាប្រព័ន្ធបត្តិការណ៍ ធំទីពីរ បន្ទាប់ពី Android ហើយវាមានដំណើរការផ្តាច់មុខ នៅតែលើឧបករណ៍ Apple ប៉ុណ្ណោះ។

ខាងក្រោមនេះ គឺជាលក្ខណៈពិសេស ទាំង 1០ របស់ iOS ដែលយើងពេញចិត្ត ហើយខ្ញុំគិតថា អ្នកក៏គិតដូចខ្ញុំផងដែរ។

1. ឆាប់ទទួលបានកំណែអាប់ដេត

iOS តែងតែទទួលបាន កំណែអាប់ដេត ថ្មីៗជានិច្ច ដែលជាហេតុធ្វើអោយយើង ទទួលបាន មុខងារថ្មីៗ ដោះស្រាយបញ្ហានានាជានិច្ច មិនអោយយើង ឆាប់ធុញនោះទេ។ វិធីអាប់ដេតវិញ ក៏ស្រួលដោយ ដោយគ្រាន់តែ ចូលទៅ Settting រឺ ធ្វើតាមកុំព្យូទ័រ។ ចុះចំណែក Android វិញ? គឺយ៉ាប់បន្តិចហើយ។

2. កម្មវិធី និងហ្គេម មានគុណភាពខ្ពស់

ជាការពិតណាស់ កម្មវិធី និងហ្គេមរបស់ iOS គឺមានគុណភាពខ្ពស់ណាស់ អាចដំណើរការ បានរលូន និងមានរូបភាព ច្បាស់ល្អ មិនរញ៉េរញ៉ៃឡើយ។ អ្នកបង្កើត បានយកចិត្តទុកដាក់ខ្ពស់ ហើយកូដក្នុងការ បង្កើតកម្មវិធី ក៏ពិសេស ផងដែរ ដែលអាចបង្កើត ហ្គេម រឺកម្មវិធី បានគុណភាពល្អ ខុសពី Android។

3. ទទួលបានការមើលថែទាំយូរ ពីក្រុមហ៊ុន

ខ្ញុំមាន iPhone កំពុងតែកាន់ប្រើប្រាស់នៅក្នុងដៃ ហើយវានៅតែទទួលបាន កំណែអាប់ដេត ថ្មីៗជានិច្ច ខណៈ ទូរស័ព្ទផ្សេងៗ ដែលចេញជំនាន់ឆ្នាំ 2012 លែងទទួលបាន កំណែអាប់ដេតអ្វីទៀត ហើយ ដែលមានដូចជា Galaxy S3, Optimus G ជាដើម។

4. កម្មវិធី រឺហ្គេមថ្មីៗ គឺមានមុន Android

កម្មវិធី និងហ្គេមពិសេសៗ នានា តែងតែបង្ហាញខ្លួនលើ iOS មុនលើ Android នេះក៏ដោយសារតែ អ្នកប្រើប្រាស់ iOS ភាគច្រើន បង់ប្រាក់ ខុសពី android ដែលអ្នកប្រើភាគច្រើន ដោនឡូដចេញពី វេបសាយ។ ហេតុដូច្នេះហើយ បានជាអ្នកបង្កើតកម្មវិធី ឧស្សាហ៍ បង្កើតកម្មវិធី រឺហ្គេមអោយ iOS មុន Android ជានិច្ច។

5. ប្រព័ន្ធអេកូឡូស៊ី

យើងអាចធ្វើការប្រាស្រ័យទាក់ទង ជាមួយនឹងមុខងារផ្សេងទៀត ដូចជា OS X, iTunes, iCloud, Apple TV …. មិនអោយយើង ឯការឡើយ។

6. ងាយស្រួលប្រើ

iOS មានរចនាបថ សាមញ្ញ ងាយស្រួលប្រើប្រាស់ និងទាក់ទាញ ជាក់ស្តែង មនុស្សចាស់ៗ អាចងាយយល់ និងឆាប់ចេះប្រើ ជាជាង ទូរស័ព្ទ Android ដែលវាមានភាពសាំញ៉ាំ រញ៉េរញ៉ៃបន្តិច។

7. មានសេវាកម្មថែទាំ

Apple មានផ្តល់សេវាកម្មថែទាំ និងផ្តល់យោបល់ដល់អ្នក ប្រសិនបើអ្នក ជួបប្រទះនូវបញ្ហា រឺមានចំងល់ ទាក់ទងទៅនឹងវា។ សេវាកម្ម Apple Care នេះមានច្រើនទីតាំងទូទាំងពិភពលោក ហើយក៏មាន នៅក្នុងប្រទេស កម្ពុជា ផងដែរ (iOne)។

8. មានសុវត្ថិភាពខ្ពស់

iOS មានសុវត្ថិភាពខ្ពស់ មិនងាយឆ្លងមេរោគ ចូលរញ៉រញ៉ៃនោះទេ ហេតុដូច្នេះហើយ យើងមិនចាំបាច់ លំបាកក្នុងការ តម្លើងកម្មវិធី ការពារមេរោគអ្វី ដូចប្រព័ន្ធប្រតិបត្តិការណ៍ Android នោះទេ។

9. មុខងារចែកចាយ (Family Sharing)

ប្រសិនបើនៅក្នុងផ្ទះអ្នក មានអ្នកប្រើប្រាស់ ឧបករណ៍ iOS ច្រើន អ្នកអាចប្រើ មុខងារ Family Sharingបាន ដែលអាចចែករំលែក កម្មវិធី និងហ្គេម ដែលបានទិញម្តងហើយ ដល់សមាជិកផ្សេងទៀត រឺក៏មានមុខងារ គ្រប់គ្រងកូនតូចៗជាដើម ក្រែងលោប្រើប្រាស់ ហួសដែនកំណត់។

10. មាន Jailbreak

អ្នកប្រើប្រាស់ភាគច្រើន ពេញចិត្ត នឹង iOS ពីព្រោះអីវាអាច Jailbreak បាន។ Jailbreak ប្រៀបបាន ដូចជាការរំដោះ iOS អោយមានសេរីភាព និងធ្វើអោយវា កាន់តែមានថាមពល អាចធ្វើអោយ បានច្រើនជាងមុន។ មានកម្មវិធី និង Tweak ពិសេសៗជាច្រើន ដែលអាចធ្វើអោយ ឧបករណ៍ iOS វាមានសមត្ថភាព ខ្លាំងជាង ប្រព័ន្ធប្រតិបត្តិការណ៍ Android បាន។

សម្រាប់ប្រិយមិត្តទាំងអស់គ្នាវិញ តើលក្ខណៈពិសេសរបស់ iOS ណាមួយដែលអ្នក ពេញចិត្ត? ខ្ញុំជឿថា វានៅសល់ចំណុចជាច្រើនទៀត ហេតុដូច្នេះហើយ សូមចូលរួម ចែករំលែកបទពិសោធ ទាំងអស់គ្នា។

ចំណុច​ខ្លាំង​របស់ iOS ដែល​យើង​ពេញ​ចិត្ត! ចុះ​សម្រាប់​អ្នក​វិញ?

ចំណុចខ្លាំងរបស់ iOS ដែលយើងពេញចិត្ត! ចុះសម្រាប់អ្នកវិញ?