មានរឿងភ្ញាក់ផ្អើលមួយ បណ្តាលឲ្យគ្រូពេទ្យសឹងបើកភ្នែកធំៗគ្រប់គ្នា ក្រោយពីស្ត្រីធាត់ម្នាក់ ប្រសូតបុត្រមានទម្ងន់ ១៥,៨ គីឡូក្រាម ។
វេបសាយបរទេសបានផ្សាយថា ស្ត្រីធាត់ម្នាក់អាយុមានទម្ងន់ ២៤៩ គីឡូក្រាម បានផ្តល់កំណើតទារិកាម្នាក់មានទម្ងន់រហូតដល់ ១៥,៨ គីឡូក្រាម នៅមន្ទីរពេទ្យ Texas Health Presbyterian Hospital ក្នុងទីក្រុងដែលឡាស ធ្វើឲ្យបុគ្គលិកពេទ្យភ្ញាក់ផ្អើលជាទីបំផុត ព្រោះកម្រ ជួបករណីដូចទារិកាមានទម្ងន់ធ្ងន់រូបនេះទេ ។
ពេទ្យដែលប្រសូតកូនឲ្យស្ត្រីធាត់នោះ សុទ្ធតែមានបទពិសោធន៍ បង្កើតកូនឲ្យស្ត្រីធាត់ៗ ។ ដំបូងគ្រូពេទ្យមានការបារម្ភដែរ ដោយហេតុ តែស្ត្រីនោះធាត់ខុសប្រក្រតី លុះពេលបង្កើតមក ម្តាយក៏សុខភាពល្អធម្មតា ។
នេះមិនមែនចាត់ទុកជាលើកដំបូងទេ ដែលទារិកានេះមានទម្ងន់ ដល់ ១៥,៨ គីឡូក្រាមនោះ តែកាលពីឆ្នាំ ១៨៣៩ ធ្លាប់មានទារកកើតមក មានទម្ងន់ ១៦,៧ គីឡូក្រាមម្តងមកហើយ ៕ ពិជិតរដ្ឋ
Sign up here with your email
Conversion Conversion Emoticon Emoticon