កាលពីថ្ងៃទី១០ ក្រុមហ៊ុន Microsoft បានប្រកាសព័ត៌មានបន្ថែមទាក់ទងនឹងផលិតផល Tablet ទំហំយក្សថ្មីរបស់ខ្លួនគឺ Surface Hub។
Surface Hub គឺជាប្រភេទ Tablet ទំហំធំអាចប្រើបានសម្រាប់ការងារពាណិជ្ជកម្ម ការប្រជុំ និងកិច្ចការផ្សេងៗ ដូចជាប្រើសម្រាប់វីដេអូខល ( web-conference) ជាក្ដារខៀន ជាកុំព្យូទ័រ សម្រាប់ធ្វើបទបង្ហាញ និងការងារជាច្រើនទៀត។
Surface Hub មានពីរទំហំគឺ ៥៥ អ៊ីញ និង ៨៤ អ៊ីញ។ ចំពោះ Surface Hub ៨៤ អ៊ីញមាន Resolution ៣៨៤០ x ២១៦០ ភិចស៊ែល, RAM ទំហំ 8 GB, ប្រភេទ CPU Intel Haswell (4th Gen) Core i7 ជាមួយនឹងក្រាហ្វិក NVIDIA Quadro K2200 640 CUDA Cores ទំហំផ្ទុកទិន្នន័យ 128 GB SSD និងទម្ងន់ ១២៧ គ.ក។
ម៉ូដែល ៥៥អ៊ីញមានកម្រិត ១៩២០ x ១០៨០ ភិចស៊ែល, RAM ទំហំ 8 GB, ប្រភេទ CPU Intel Haswell (4th Gen) Core i5 ជាមួយនឹងក្រាហ្វិក Intel HD 4600 ទំហំផ្ទុកទិន្នន័យ 128 GB SSD និងទម្ងន់ ៤៨ គ.ក។ ហើយម៉ូដែលទាំងពីរនេះគឺដំណើរការដោយប្រព័ន្ធប្រព័ន្ធប្រតិបត្តិការ Windows 10។
ចំពោះការដាក់លក់វិញ នឹងចាប់ផ្ដើមចាប់ពីថ្ងៃទី០១ ខែកក្កដា ដោយតម្លៃ ២ ម៉ឺនដុល្លារសម្រាប់ម៉ូដែលទំហំ ៨៤ អ៊ីញ និង ៧ ពាន់ដុល្លារសម្រាប់ម៉ូដែល ៥៥ អ៊ីញ៕
ប្រែសម្រួល៖ សំនៀង
ប្រភព៖ CNN
ប្រភព៖ CNN
Sign up here with your email
Conversion Conversion Emoticon Emoticon