កាលពីម្សិលមិញនេះ ទើបមានព័ត៌មានថា Windows 10 នឹងត្រូវ Microsoft ប្រកាសដាក់ឱ្យប្រើប្រាស់ជាផ្លូវការនៅថ្ងៃទី២៩ ខែកក្កដា ខាងមុខ ដែលសាធារណជននឹងអាចធ្វើបច្ចុប្បន្នភាពលើ Software បាននៅពេល ប្រព័ន្ធប្រតិបត្តិការនេះចេញផ្លូវការ។ ចំណែកថ្ងៃនេះ គេទទួលបានព័ត៌មានមកថា ប្រព័ន្ធ Windows OS ជំនាន់ថ្មីនេះ នឹងអាចឱ្យសាធារណជនទាញយកទៅដំឡើង (setup) មុនថ្ងៃប្រកាសផ្លូវការទៅទៀត។
Microsoft បានផ្ញើអ៊ីមែលបញ្ជាក់ដល់អតិថិជនរបស់ខ្លួនដែលបានចុះឈ្មោះ (register) ក្នុងការធ្វើបច្ចុប្បន្នភាព និងអ៊ីមែលដែលបញ្ជាក់ថា Windows 10 នឹងចេញឱ្យទាញយកមកធ្វើបច្ចុប្បន្នភាព (update) លើកុំព្យូទ័រ (PC) បានមុនការប្រកាសផ្លូវការ ពោលគឺនៅថ្ងៃទី១៩ ខែកក្កដា។
នេះគឺមានន័យថា នៅពេល Software ត្រូវក្រុមហ៊ុន Microsoft ប្រកាក់ឱ្យប្រើបានជាផ្លូវការនៅថ្ងៃទី២៩ កក្កដា នោះអ្នកនឹងអាចប្រើវាបានពេញលេញ ដោយពុំចាំបាច់ត្រូវរង់ចាំរហូតដល់ Software ចេញឱ្យ Download បានដូចជា Windows ជំនាន់មុនៗដែល តែងដាក់ឱ្យ download ក្រោយថ្ងៃប្រកាសនោះ។
ចំពោះអតិថិជនកំពុងប្រើ Windows 7 និង 8.1 នឹងអាចទទួលយកការធ្វើបច្ចុប្បន្នភាពដោយឥតគិតថ្លៃ។ Microsoft ថែមទាំងបានលើកឡើងថា កុំព្យូទ័រ ថេប្លេត ដែលដំណើរការដោយ Windows 10 នឹងត្រូវប្រកាសចេញនៅថ្ងៃទី២៩ ខែកក្កដា ខណៈដែល Windows 10 សម្រាប់ឧបករណ៍អេឡិចត្រូនិកផ្សេងៗទៀត ដូចជា ស្មាតហ្វូនជាដើមនោះនឹងចេញនៅចុងឆ្នាំ២០១៥ នេះ។
ខណៈ Microsoft កំពុងក្ដាប់ចំណែកទីផ្សារអ្នកប្រើប្រាស់ក្នុងដៃប្រមាណ ១,៥ពាន់លាននាក់ទូទាំងសាកលលោកនោះ ក្រុមហ៊ុនបានសម្រេចចិត្តអភិវឌ្ឍចេញ Windows 10 ដែលទទួលបានការកំណែប្រែថ្មីៗបន្ទាប់ពី Windows ជំនាន់មុនៗ ព្រមជាមួយមុខងារ និងការឌីហ្សាញ Interface ថ្មីរឹតតែស្អាតទាក់ចិត្តអ្នកប្រើ។ ចំពោះលោកអ្នកដែលកំពុងប្រើ Windows មានអាជ្ញាប័ណ្ណ (license) នោះនឹងអាចធ្វើបច្ចុប្បន្នភាព (upgrade) ឡើងដល់ Windows 10 OS ដោយឥតគិតថ្លៃ។
Microsoft នឹងបន្ថែមមុខងារពិសេសៗនៅលើ Windows 10 ក្នុងនោះ នឹងមានប្រព័ន្ធសុវត្ថិភាពថ្មីចំនួនពីរ ព្រមទាំងមុខងារនៅលើ personalization។ Windows Hello គឺជាប្រព័ន្ធផ្ទៀងផ្ទាត់ភាពត្រឹមត្រូវនៃជីវឱសថ ដែលតម្រូវឱ្យមាន hardware បន្ថែមដូចជាម៉ាស៊ីនសម្រាប់អានក្រយៅដៃ fingerprint reader, IR Sensor និង biometric sensor ចំនួនមួយគូផ្សេងទៀត។
ក្រៅពីនេះ ក្រុមហ៊ុនថែមទាំងណែនាំមុខងារថ្មីមួយទៀតដែលមានឈ្មោះថា Microsoft Passport ដែលដំណើរការក្នុងទម្រង់ជា single password អាស្រ័យលើ gateway ដើម្បីផ្ដល់សុវត្ថិភាពនៅក្នុងការភ្ជាប់ទៅកាន់វែបសាយផ្សេងៗ, បណ្ដាញ network និងកម្មវិធីពាក់ព័ន្ធនឹងការបើកវែប (web app) ដោយមិនចាំបាច់ផ្ញើ password រាល់ពេលនោះទេ។
គេហទំព័រ Znet បានបង្ហើបថា ប្រព័ន្ធ OEM System Builder packages សម្រាប់លក់នៃ Windows នឹងមានតម្លៃខុសគ្នាទៅតាមប្រភេទ ពោលគឺ Windows 10 ធម្មតានឹងលក់ក្នុងតម្លៃ ១០៩,៩៩ដុល្លារ ខណៈដែល Windows 10 Pro តម្លៃ ១៤៩,៩៩ដុល្លារអាមេរិក៕
ប្រែសម្រួល៖ លី ឈៀន
ប្រភព៖ Winsupersite
Sign up here with your email
Conversion Conversion Emoticon Emoticon