Apple ប្រកាសប្រព័ន្ធប្រតិបត្តិការថ្មី iOS 9 ជាផ្លូវការយប់មិញ តើមានអ្វីប្លែក

នៅក្នងព្រឹត្តិការណ៍ធំប្រចាំឆ្នាំរបស់ក្រុមហ៊ុន Apple គឺ WWDC ក្នុងឆ្នាំ ២០១៥ នេះត្រូវបានប្រារព្ធធ្វើកាលពីថ្ងៃម្សិលមិញ ហើយកម្មវិធីនេះដែរគឺមានរយៈពេលបួនថ្ងៃ គឺចាប់ពីថ្ងៃទី ០៨ ដល់ទី ១២ ខែមិថុនា។ តែអ្វីដែលធ្វើឲ្យប្រិយមិត្តរបស់ខ្លួនមានការចាប់អារម្មណ៍នៅក្នុងថ្ងៃដំបូងនោះគឺ Apple បានបង្ហាញប្រព័ន្ធប្រតិបត្តិការថ្មីគឺ iOS 9 ជាផ្លូវការហើយ។ ជាមួយនឹងប្រព័ន្ធប្រតិបត្តិការថ្មីដែលបានភ្ជាប់មកជាមួយនឹងមុខងារសំខាន់ៗមួយចំនួនដូចជា៖

f6c2127b6bb4a3e124760593d5bf319dbe095c82_large_2x

Siri

Siri នៅលើ iOS 9 ត្រូវបាន Update ថ្មីទាំងមុខងារ និងផ្ទាំងបង្ហាញមិនត្រឹមតែប៉ុណ្ណោះ Apple បាននិយាយថាវាមានល្បឿនលឿនជាង ៤០%លើជំនាន់មុន។ មុខងារថ្មីនៅលើ Siri បានអភិវឌ្ឍកាន់តែឆ្លាតវៃ ដូចជាIntelligence, Photo Lookup និងកម្មវិធី Reminder ។ ឧទាហរណ៍ដូចជាពេលកំពុងតែស្វែងរក Webpage ណាមួយនៅលើ Safari អ្នកអាចបង្កើត Siri Remider ដោយការនិយាយថា ”Siri, Remind me about this later” នោះ Siri នឹងរំលឹកអ្នកនៅក្រោយពេលដែលអ្នកចូលដំណើរការ។

បន្ថែមទៀតនោះ Siri បានបន្ថែមមុខងារជំនួយការថ្មីមួយគឺ Proactive ដែលអាចវិភាគទិន្នន័យរាល់ទម្លាប់ដែលអ្នកបានធ្វើដូចជាការចូលទៅក្នុងគណនីរបស់អ្នក កម្មវីធីដែលធ្លាប់ប្រើប្រាស់ និងឧបករណ៍ផ្សេងទៀតដែលធ្លាប់បានភ្ជាប់ជាមួយ។ ឧទាហរណ៍ដូចជានៅពេលអ្នកដោតកាសចូល iPhone វានឹងដំណើរការកម្មវិធីតន្រ្តី និងបង្ហាញតន្ត្រីដែលអ្នកធ្លាប់បានស្ដាប់ញឹកញាប់, ពេលភ្ជាប់ iPhone ទៅក្នុងរថយន្ត Siri នឹងបង្ហាញ Audio book ដែលអ្នកធ្លាប់ស្ដាប់រៀងរាល់ថ្ងៃឲ្យបានឃើញ។

បន្ថែមទៀតនោះ វាអាចវិភាគលើទិន្នន័យពីកម្មវិធីក្នុង iPhone ផ្សេងទៀតដែរ ដូចជាពេលមានលេខទំនាក់ទំនងដែលមិនស្គាល់ Siri នឹងពិនិត្យមើលក្នុងអ៊ីមែល និង Contact ដើម្បីស្វែងរកទិន្នន័យទាំងនោះ។

Font ថ្មី

ដូចទៅនឹង OS X EI Captitan ដែរ ប្រព័ន្ធប្រតិបត្តិការថ្មីនេះគឺបានបន្ថែមនូវ Font ថ្មីផងដែរមានឈ្មោះថា San Francisco។

Spotlight Siri Sugession

Spotlight បានបញ្ចូល Section ថ្មីមួយដែល Bubble Up ទាក់ទងជាមួយនឹងព័ត៌មានលម្អិតពីទំនាក់ទំនង និងទីកន្លែងជិតនោះ។ ឧទារហរណ៍ដូចជា Apple Bubble up ផ្អែកទៅលើពេលវេលដែលកំពុងប្រើ។

Spotlight Search

មានវិធីច្រើនក្នុងការស្វែងរកជាមួយនឹង Spotlight រួមមានការស្វែងរកវីដេអូជាដើមនៅលើ Vevo, Bimro និង Youtube។ មិនត្រឹមតែប៉ុណ្ណោះយើងក៏អាចដំណើរការដោយផ្ទាល់ពីកន្លែងស្វែងរកបានដែរ។ បន្ថែមទៀតនោះ Spotlight Search ក៏មាន API ដូច្នេះកម្មវិធី Third-Partt app ក៏អាចភ្ជាប់ជាមួយនឹង Spotlight View ដើម្បីស្វែងរកទិន្នន័យផ្សេងទៀតបានដែរ។

Transit In Maps App

លើ Apple Map អាចដំណើរការបានជាមួយនឹង Transit Direction និងអាចដំណើរការមុខងារជាច្រើនផ្សេងទៀតនៅលើកម្មវិធី Map។ មុខងារនេះអាចដំណើរការបានក្នុងទីក្រុងសំខាន់ៗចំនួន ១០ Baltimo, ប៊ែកឡាំង, ឈីកាហ្គោ, ទីក្រុងឡុងដ៍, Mixico , New York, Philadelphia, San Francisco, Toronto និង Washington D.C។

iPad Split-Screen

ក្រុមហ៊ុនApple បានបន្ថែមនៅមុខងារថ្មីគឺ Split-Screen ដែលអាចដំណើរការកម្មវិធីពីរក្នុងពេលតែមួយបាននៅលើ iPad។ កម្មវិធីទាំងពីរដែលដំណើរការនោះអាចស្ថិតនៅម្នាក់មួយចំហៀងនៃផ្នែកអេក្រង់បាន។ ចំពោះមុខងារថ្មីគួឲ្យចាប់អារម្មណ៍មួយទៀតនោះគឺ Picture-in-Picture ដែលអាចឲ្យអ្នកប្រើប្រាស់ដំណើរការកម្មវិធីមួយផ្សេងទៀតអំឡុងពេលមើលវីដេអូបាន។ មានន័យថាពួកគេអាចពង្រួមទំហំវីដេអូ និងអាចដាក់វានៅផ្នែកណាមួយនៃអេក្រង់ក៏បាន។

News App

កម្មវិធី Newsstand app គឺត្រូវលុបចេញដោយដាក់ជំនួសកម្មវិធី News app។ កម្មវិធីថ្មីនេះបាននាំមកនូវប្រភពព័ត៌មានជាច្រើន និងផ្ទៃបង្ហាញកាន់តែងាយស្រួលប្រើប្រាស់ ហើយអ្នកប្រើប្រាស់អាច Subscribe ទៅកាន់ប្រភពព័ត៌មានផ្សេងគ្នាជាច្រើនតាមដែលពួកគេពេញចិត្ត និងត្រូវការ។ កាន់តែសុវត្ថិភាពទៀតនោះ News App គឺធានាពីភាពឯកជនដោយមិនចែករំលែកទិន្នន័យរបស់អ្នកប្រើប្រាស់នោះទៅកាន់កម្មវិធី ឬប្រភពផ្សេងនោះទេ។

Wallet App

កម្មវិធី Wallet គឺត្រូវបានដាក់បញ្ចូលដើម្បីជំនួសកម្មវិធី PassBook ដែលត្រូវបានប្រើសម្រាប់រក្សាទុកទិន្នន័យកាតធនាគារដូចជាកាតឥណទាន ពន្ធ និងអាចប្រើប្រាស់នៅកន្លែងលក់ទំនិញផ្សេងៗជាមួយនឹង Apple Pay។ កម្មវិធី Wallet App នៅលើប្រព័ន្ធប្រតិបត្តិការថ្មីនេះក៏ផ្ទុកនូវទិន្នន័យដែលមាននៅលើ PassBook ដែរ។

QuickType

នៅលើ Keyboard របស់ iOS 9 បានបន្ថែមនូវមុខងារកាន់តែងាយស្រួលជាងមុនក្នុងការវាយអត្ថបទ និងកែប្រែអត្ថបទ ដោយបានបង្កើនមុខងារ Suggestion Bar និងបន្ថែម Shortcut ច្រើនសម្រាប់ប្រើប្រាស់។ ជាពិសេសទៀតនោះគឺមានមុខងារសំខាន់មួយទៀតនោះគឺ QuickType ដែលមានសមត្ថភាពអាចឲ្យអ្នកប្រើប្រាស់ប្រែ Touchscreen របស់ iPad ទៅជា Trackpad ដោយគ្រាន់តែដាក់ម្រាមដៃពីរលើអេក្រង់ និងអូសវាដើម្បី Select Text។

Note App

ឥឡូវនេះ Note App អាចដំណើរការប្រភេទអត្ថបទ សារបានកាន់តែច្រើនទាំងប្រភេទលេខ និងប្រភេទជាតារាង ហើយអ្នកប្រើប្រាស់ក៏អាចបន្ថែមរូបភាពសម្រាប់ដំណើរការបានផងដែរ។ ជាមួយគ្នានោះដែរ វាក៏មាន Tool ថ្មីសម្រាប់គូរថែមទៀតផង។

បង្កើនផ្នែកសុវត្ថិភាព

ក្រៅពីនេះចំពោះប្រព័ន្ធប្រតិបត្តិការថ្មីនេះគឺបានបន្ថែមផ្នែកសុវត្ថិភាពកាន់តែខ្ពស់ដើម្បីការពារការជ្រៀតជ្រែក និងបំផ្លាញពីសំណាក់ពួក Hacker។

បង្កើនសមត្ថភាពថ្ម និង Low Power Mode

iOS 9 អាចបង្កើនសមត្ថភាពថាមពលបានកាន់តែយូរដោយបន្ថែមមួយម៉ោងពីថាមពលថ្មដែលមាននៅលើ OS ជំនាន់មុន ហើយវាក៏ភ្ជាប់មកជាមួយនឹងមុខងារថ្មីគឺ Low Power Mode ដែលអាចបិទមុខងារមួយចំនួនចោលដើម្បីឲ្យអ្នកប្រើប្រាស់ទទួលបានរយៈពេលបីម៉ោងបន្ថែម៕

ប្រែសម្រួល៖ សំនៀង

ប្រភព៖ 9to5mac

Apple ប្រកាស​ប្រព័ន្ធ​ប្រតិបត្តិការ​ថ្មី iOS 9 ជា​ផ្លូវការ​យប់​មិញ​​ តើ​មាន​អ្វី​ប្លែក

Apple ប្រកាសប្រព័ន្ធប្រតិបត្តិការថ្មី iOS 9 ជាផ្លូវការយប់មិញ តើមានអ្វីប្លែក