ក្រុមបិសាចក្រហម Manchester United ត្រូវបានគេផ្ដល់ដំណឹងមកថាបានត្រៀមលុយ៦៦,៥លានផោន (ប្រហែល១០៤លានដុល្លារ) រួចជាស្រេចក្នុងការដាក់ស្នើតម្លៃខ្លួនកីឡាករ Cristiano Ronaldo ពីក្លិប Real Madrid មក Old Trafford ។
Ronaldo កាលលេងនៅ Man Utd
យោងតាមប្រភពព័ត៌មាននៅអង់គ្លេសបានឱ្យដឹងថា បិសាចក្រហមនឹងស្នើតម្លៃខ្លួន Ronaldo ចំនួន៦៦,៥លានផោនទៅ Real Madrid ដើម្បីអាចនាំខ្សែប្រយុទ្ធរូបនេះមក Man Utd វិញបានក្នុងរដូវកាលដោះដូរកីឡាករនេះ។ មូលហេតុដែលជំរុញចិត្តលោក Louis van Gaal ហ៊ានដាក់ដេញថ្លៃទិញកំពូលខ្សែប្រយុទ្ធក្រុមជម្រើសជាតិព័រទុយហ្គាល់រូបនេះមកវិញគឺដោយសារតែបច្ចុប្បន្ននៅអេស្ប៉ាញមានរឿងជាច្រើនបានធ្វើឱ្យកីឡាករវ័យ៣០ឆ្នាំរូបនេះមិនពេញចិត្តដូចជា៖
ទី១: Real Madrid បានបណ្ដេញអ្នកចាត់ការ Carlo Ancelotti ដោយគ្រាន់តែលោកមិនអាចជួយក្រុមលើកពានអ្វីបានកាលពីរដូវកាលមុន ខណៈដែលរដូវកាល២០១៣-២០១៤ បុរសវ័យ៥៦ឆ្នាំរូបនេះជួយក្លិបលើកពានដល់ទៅ៤ក៏ដោយ។
ទី២: អ្នកចាត់ការថ្មី Rafa Benitez បាននិយាយថា Gareth Bale នឹងក្លាយជាតួឯកនៅ Real Madrid មិនមែនជា Ronaldo ទៀតទេ ពោលគឺទម្រង់ថ្មីនៅរដូវកាលក្រោយនឹងដាក់ម្ចាស់ពានរង្វាន់ Ballon d’Or ៣សម័យរូបនេះទៅលេងតំបន់ប្រយុទ្ធជំនួស Benzema វិញ។
ទី៣: ម្ចាស់ក្លិប Real Madrid ចង់លក់កីឡាករសំខាន់២នាក់នៅក្នុងក្រុមគឺអ្នកចាំទី Iker Casillas និងខ្សែការពារ Sergio Ramos ខណៈដែលពួកគេទាំងពីរនាក់នេះសុទ្ធតែលេងនៅអធិរាជសអស់ពេលជាង១០ឆ្នាំមកហើយ។
រឿង៣យ៉ាងខាងលើនេះហើយបានធ្វើឱ្យក្រុមបិសាចក្រហមមានទំនុកចិត្ត ក្នុងការអន្ទងចិត្តបុរសកូនមួយខាងលើឱ្យមកលេងនៅអង់គ្លេសវិញ។
Ronaldo បច្ចុប្បន្នជាកីឡាករសំខាន់ម្នាក់របស់ Real Madrid ដែលអាចរកគ្រាប់បាល់បាន៣១៣គ្រាប់ក្នុងការបង្ហាញខ្លួន៣០០ប្រកួត (គិតចាប់តាំងពីចូល Real នៅឆ្នាំ២០០៩)។ ចំនួនគ្រាប់បាល់នេះ បានធ្វើឱ្យគេក្លាយជាកីឡាករទី២ដែលរកគ្រាប់បាល់បានច្រើនជាងគេក្នុងប្រវត្តិសាស្ត្ររបស់ក្រុមម្ចាស់ជើងឯក UEFA Champions League ១០សម័យមួយនេះផងដែរ។
កាលពីឆ្នាំ២០០៩ អតីតយុវជនរបស់ Sporting ខាងលើនេះផ្លាស់ពី Man Utd ទៅ Real Madrid ក្នុងតម្លៃខ្លួន ៨០លានផោន ដែលតម្លៃនេះកាលនោះគឺជាតម្លៃខ្លួនថ្លៃជាងគេក្នុងប្រវត្តិសាស្ត្របាល់ទាត់៕
Sign up here with your email
Conversion Conversion Emoticon Emoticon