មើលមួយភ្លែតស្មានតែ iPhone 6 ការពិតដូរសំបកសោះ

ថ្មីនេះលេចឡើងនូវសំបកដែលមានរូបរាងស្រដៀង iPhone 6 សម្រាប់ប្រើដូរទៅលើ iPhone 5 និង 5S ដែលធ្វើឲ្យប្រិយមិត្តឃើញមួយភ្លែតអាចច្រឡំស្មានតែ iPhone ស៊េរីថ្មី។ ទោះបីការរចនាស្ទើរតែដូចទាំងស្រុងសំបក iPhone 6 តែទំហំសំបកនេះរាងតូចជាង iPhone 6 បន្តិច។

លោក តុលា អ្នកបច្ចេកទេសគ្រឿងទូរសព្ទបានឲ្យដឹងថា សំបកនេះលោកបានកុម្ម៉ង់ពីចិន សម្រាប់ប្រើនៅលើ iPhone 5S និង 5។ សំបកនេះមើលមួយភ្លែតអាចច្រឡំថាសំបក iPhone 6 តែការពិតមិនមែនគ្រាន់តែមានការរចនារូបរាងស្រដៀងគ្នាតែប៉ុណ្ណោះ។

តុលាបន្តថា សម្រាប់តម្លៃ សំបកនេះមានតម្លៃប្រហែលជាង ២០ ដុល្លារ។