ខ្សែប្រយុទ្ធ Lionel Messi របស់ក្រុម FC Barcelona បានលើកឡើងថា “គ្មានការប្រជែងគ្នា” រវាងលោកនឹងតារាឆ្នើម Cristiano Ronaldo របស់ក្រុម Real Madrid ឡើយ។
Messi និង Ronaldo ត្រូវបានគេយល់ថា ជាកំពូលកីឡាករបាល់ទាត់លើលោកបច្ចុប្បន្ន ដោយសារ៧ឆ្នាំចុងក្រោយ កីឡាករឆ្នើមទាំង២រូបនេះ ឈ្នះពាន Ballons d’Or ទាំង៧ បើសរុបរួមបញ្ចូលគ្នា។ កីឡាករជម្រើសជាតិព័រទុយហ្គាល់ CR7 បានឈ្នះ២ឆ្នាំចុងក្រោយ ដែលមានមតិជាច្រើនលើកឡើងថា ខ្សែបម្រើប្រយុទ្ធរូបនេះ ល្អជាងគេលើលោក ប៉ុន្តែរដូវកាលដែលទើបបញ្ចប់ថ្មីៗនេះ កីឡាករជម្រើសជាតិអាហ្សង់ទីន Messi បានជួយឲ្យ Barca លើកពាន៣ ដូច្នេះទើបធ្វើឲ្យការយល់ឃើញរបស់អ្នកគាំទ្រ នៅតែខ្វែងគំនិតគ្នាដដែល។
យ៉ាងណាក្ដី ប្រធានក្រុមអាហ្សង់ទីន (Messi) បានលើកឡើងថា ខ្លួនមិនដែលគិត Ronaldo ជាគូប្រជែងគ្នាឡើយ ទោះនៅលើទីលានប្រកួត ឬនៅក្រៅទីលានប្រកួត។ កីឡាករវ័យ២៧ឆ្នាំ បានប្រាប់ដល់ Short List កាលពីយប់មិញថា៖ “គ្មានការប្រជែងគ្នាទេ – វាគ្រាន់តែជាអ្វី ដែលសារព័ត៌មាន ប្រឌិតឡើងតែប៉ុណ្ណោះ។ វាមិនមែនជារឿង Messi ប្រកួតប្រជែងទល់នឹង Ronaldo ឡើយ ហើយវាជារឿងមិនធ្លាប់មានមែន”។
រដូវកាល២០១៤/១៥ Messi បានស៊ុតឲ្យ Barca បាន៥៨គ្រាប់ ក្នុងការបង្ហាញខ្លួនសរុប៥៧ប្រកួត និងជួយឲ្យក្រុមអ្នកមានបុណ្យលើកពាន៣ ចំណែកឯ Ronaldo វិញ ស៊ុតបាន៦១គ្រាប់ ក្នុងការបង្ហាញខ្លួនសរុប ៥៤ប្រកួត ប៉ុន្តែពុំបានជួយឲ្យ Real ឈ្នះពានអ្វីមួយឡើយ៕
ចុះប្រិយមិត្តយល់ថា កីឡាករឆ្នើមទាំង២ខាងលើ នរណានឹងឈ្នះ Ballons d’Or ឆ្នាំថ្មី?
Sign up here with your email
Conversion Conversion Emoticon Emoticon