អ្នកចាំទីអេស្ប៉ាញ David De Gea បានប្រាប់ដល់ក្លិបបិសាចក្រហម Manchester United ថា ខ្លួនចង់ទៅចូលរួមជាមួយក្លិបយក្សអេស្ប៉ាញ Real Madrid។ នេះបើតាម Goal បានចុះផ្សាយ។
Man Utd នឹងត្រូវសម្រេចថា ត្រូវលក់ De Gea នៅរដូវក្ដៅនេះ ឬរក្សាទុកកីឡាករជម្រើសជាតិអេស្ប៉ាញ រហូតដល់ឆ្នាំបញ្ចប់កុងត្រា ដែលអាចនឹងគ្មានតម្លៃខ្លួន (free transfer) នៅរដូវកាលក្រោយ។
ការទាក់ទាញទៅលេងនៅក្លិបធំបំផុតរបស់អេស្ប៉ាញ និងឱកាសត្រឡប់ទៅកាន់ស្រុកកំណើត ដែលជិតមិត្តស្រីរបស់ខ្លួនផងនោះ គឺបានជំរុញចិត្ត De Gea ឲ្យចង់ចាកចេញពីក្លិបនៅ Premier League នារដូវក្ដៅនេះតែម្ដង។
បិសាចក្រហម បានព្យាយាមចង់រក្សាទុក អ្នកចាំទីដៃស្អិតរូបនេះយ៉ាងខ្លាំង រយៈពេលប៉ុន្មានឆ្នាំចុងក្រោយនេះ ដោយអ្នកចាត់ការ Louis van Gaal បានបញ្ចុះបញ្ចូលឲ្យបន្តកុងត្រាថ្មី ខណៈដែលភ្នាក់ងាររបស់កីឡាករវ័យ២៤ឆ្នាំ ក៏ចង់ឲ្យនៅអង់គ្លេសបន្តដែរ។
ដូច្នេះបើ De Gea ផ្ទេរទៅកាន់ Real នៅពេលទីផ្សារដោះដូរកីឡាករបើកខែក្រោយនេះ នោះកីឡាករអេស្ប៉ាញរូបនេះ នឹងក្លាយជាកីឡាករទី៥ហើយ បន្ទាប់ពី Cristiano Ronaldo, Ruud van Nistelrooy, Gabriel Heinze និង David Beckham ក្នុងលក្ខខ័ណ្ឌទិញដាច់ ដែលផ្ទេរពី Old Trafford ទៅ Bernabeu៕
ចុះប្រិយមិត្តជឿថា De Gea នឹងលេងល្អ ឬអត់បើទៅ Real មែន?
Sign up here with your email
Conversion Conversion Emoticon Emoticon