Facebook បានចេញកម្មវិធីថ្មីមួយឈ្មោះថា “Facebook Lite” កាលពីថ្មីៗនេះ ដែលអាចឲ្យអ្នកប្រើប្រាស់ Facebook កាន់តែងាយស្រួល ព្រោះថាទោះនៅតំបន់ពុំសូវមានសេវាអ៊ីនធឺណិត ឬសេវាត្រឹម 2G ក៏អាចលេង Facebook បានធម្មតាដែរ និងអាចដំណើរការលើឧបករណ៍ Android ទាំងអស់ ប៉ុន្តែសម្រាប់ iOS មិនទាន់ចេញនៅឡើយទេ។
Facebook Lite ដែលមានទំហំតូចមិនដល់ 1 MB ត្រូវបានបង្កើតឡើងសម្រាប់ 2G networks ឬតំបន់ដែលមានអ៊ីនធឺណិតយឺត។ កម្មវិធីថ្មីនេះ ទោះអ្នកប្រើប្រាស់មានត្រឹមសេវា 2G ក៏អាចឃើញ News Feed, status updates, រូបភាព ឬ notifications យ៉ាងច្បាស់បាន។
អ្នកចាត់ការផលិតកម្មវិធី Facebook Lite លោក Vijay Shankar បានប្រាប់ថា Facebook Lite ក៏អាចចែករំលែកពីទីតាំងរបស់អ្នក លើ Messenger និងអាចដំណើរការ File GIFs បានផងដែរ។
Facebook Lite ត្រូវបានចេញឲ្យដំណើរការដំបូងគេនៅអាស៊ី ហើយនឹងអាចដំណើរនៅតំបន់អាមេរិកឡាទីន អាហ្វ្រិក និងអឺរ៉ុប នាពេលខាងមុខ។ ក្រុមហ៊ុនពុំបានបញ្ជាក់ ថានឹងអាចឲ្យដំណើរលើ iOS នៅពេលណានោះទេ។
ប្រិយអាចទាញយកប្រើប្រាស់បាន ដោយចូលទៅកាន់ Play Store រួចវាយពាក្យ Facebook Lite ឬអាចចុចទីនេះ → download…៕
ប្រែសម្រួល៖ វិន ជីវ័ន្ត
ប្រភព៖ dailymail
ប្រភព៖ dailymail
Sign up here with your email
Conversion Conversion Emoticon Emoticon