ក្នុងការប្រកួតមិត្តភាពរៃអង្គាសថវិកាសប្បុរសធម៌រវាង Real Madrid Legends និង Liverpool Legends ដែលធ្វើឡើងនៅកីឡដ្ឋាន Santiago Bernabeu កាលពីយប់មិញនេះ បានបញ្ចប់ទៅដោយលទ្ធផល Real ឈ្នះ ៤-២ ខណៈដែលកីឡាករលេចធ្លោជាងគេគឺ Roberto Carlos ស៊ុតបាន២គ្រាប់ម្នាក់ឯង។
ការប្រកួតដែលមានអ្នកចូលទស្សនារហូតដល់៦ម៉ឺននាក់យប់មិញនេះពិតជាធ្វើឱ្យអ្នកគាំទ្រ ហ៊ោកញ្ជ្រៀវខ្លាំងមែនទែន បន្ទាប់ពីអតីតកីឡាករខ្លាំងៗរបស់ក្រុមទាំងពីរបានបង្ហាញសមត្ថភាពប្រហាក់ប្រហែលគ្នា ទោះជាវ័យចាស់បន្តិចមែន។
ក្រុមភ្ញៀវ Liverpool ជាអ្នករកបាន២គ្រាប់មុនក្រុមម្ចាស់ផ្ទះ ដោយកីឡាករ Kewell នៅនាទី១៨ និង Owen នៅនាទី២១ ប៉ុន្តែក្រុម Real Madrid ក៏មិនឱ្យបាក់មុខក្នុងដីខ្លួនឯងដែរ ដោយខ្សែការពារ Roberto Carlos រកបានមួយគ្រាប់ដោយបាល់ពិន័យ១១ម៉ែត្រមុនចប់តង់ទីមួយ នាទី៤៣។ ចូលដល់តង់ទី២ អតីតកីឡាករក្រុមជម្រើសជាតិប្រេស៊ីលរូបនេះរកបានគ្រាប់ទី២ ទៀតដោយបាល់ពិន័យ១១ម៉ែត្រដដែលនៅនាទី៥២ ហើយដល់នាទី៦៨ កីឡាករ Amavisca ថែមបានគ្រាប់ទី៣ និងគ្រាប់ទី៤ធ្វើបានដោយ Perez នាទី៨៣។ ចប់ការប្រកួត Real Madrid Legends ៤-២ Liverpool Legends ។
ប្រែសម្រួល៖ មុន្នី រម្យ
ប្រភព៖ dailymail
ប្រភព៖ dailymail
Sign up here with your email
Conversion Conversion Emoticon Emoticon