មហាអំណាចរុស្ស៊ីត្រៀមកីឡដ្ឋានប៉ុន្មានសម្រាប់ World Cup ២០១៨?

ព្រឹត្តិការណ៍បាល់ទាត់ FIFA World Cup ២០១៨ នឹងធ្វើឡើងនៅក្នុងប្រទេសរុស្ស៊ី ហើយការប្រកួតជម្រុះតាមតំបន់ក៏ចាប់ផ្ដើមជាបន្តបន្ទាប់ដែរ ដើម្បីស្វែងរកក្រុមខ្លាំងតាមទ្វីបនីមួយៗ ឡើងទៅលេងវគ្គ៣២ក្រុមចុងក្រោយ។ ដោយឡែកខាងម្ចាស់ផ្ទះរៀបចំកម្មវិធីប្រកួតវិញ ក៏កំពុងតែដុតដៃដុតជើងដែរ ដើម្បីកែលម្អកីឡដ្ឋានរបស់ខ្លួនត្រៀមទទួលព្រឹត្តិការណ៍ធំមួយនេះ។ តើប្រទេសមហាអំណាចរុស្ស៊ីនេះត្រៀមកីឡដ្ឋានប៉ុន្មានដែរ? ចម្លើយមានតែមើលខាងក្រោម៖

១. Luzhniki Stadium

កីឡដ្ឋាន Luzhniki មានទីតាំងនៅក្នុងរដ្ឋធានី Moscow ហើយបង្កើតឡើងនៅឆ្នាំ១៩៥៦។ កីឡដ្ឋានមួយនេះដែរមានកៅអីអង្គុយតែ៧៨ ៣៦០ ប៉ុណ្ណោះ ប៉ុន្តែកាលពីឆ្នាំ១៩៦៣ ក្នុងការប្រកួតរវាងក្រុមជម្រើសជាតិរុស្ស៊ីជាមួយអ៊ីតាលីនោះ កន្លែងនេះអាចផ្ទុកមនុស្សបានដល់ទៅ ១០២ ៥៣៨នាក់ឯណោះ។

២. Otkrytie Arena

កីឡដ្ឋាន Otkrytie Arena មានទីតាំងនៅតំបន់ Tushino ក្នុងរដ្ឋធានី Moscow ។ វាត្រូវបានចំណាយទឹកប្រាក់សាងសង់អស់ ៤៣០លានដុល្លារអាមេរិក ដែលអាចផ្ទុកអ្នកទស្សនាបាន ៤៤ ៩២៩ នាក់។

៣. New Zenit Stadium

New Zenit Stadium ជាកីឡដ្ឋានដែលចំណាយដើមទុកអស់១,១ពាន់លានដុល្លារអាមេរិក ដោយអាចផ្ទុកអ្នកទស្សនាបានដល់ទៅ ៦៦ ៨៨១នាក់។ កន្លែងមួយនេះដែរ ត្រូវបានគេធ្វើឡើងទៅតាមស្តង់ដារអន្តរជាតិដើម្បីត្រៀមប្រកួតព្រឹត្តិការណ៍ធំៗ ដូចជា FIFA Confederations Cup ឆ្នាំ២០១៧, FIFA World Cup ២០១៨ និង UEFA Euro នៅឆ្នាំ២០២០។

៤. Kaliningrad Stadium

Kaliningrad គឺជាកីឡដ្ឋានសាងសង់ឡើងដោយយកគំរូតាមកីឡដ្ឋាន Allianz Arena របស់ប្រទេសអាល្លឺម៉ង់។ ចំពោះតម្លៃសាងសង់វិញ អស់ប្រមាណជាជាង២០០លានដុល្លារអាមេរិក។

៥. Kazan Arena

Kazan Arena គឺជាកីឡដ្ឋានដែលមានទីតាំងនៅទីក្រុង Tatarstan ដែលអាចផ្ទុកអ្នកទស្សនាបាន ៤៥ ១០៥ នាក់។ កីឡដ្ឋានមួយនេះទើបតែជួសជុលឡើងវិញ ដោយក្រាលស្មៅថ្មីនិងរៀបចំកៅអីរួចរាល់នៅឆ្នាំ២០១៣នេះទេ។

៦. Nizhny Novgorod Stadium

Nizhny Novgorod ក៏ជាកីឡដ្ឋានមួយដែលកំពុងត្រៀមខ្លួនធ្វើជាកន្លែងប្រកួត World Cup នៅឆ្នាំ ២០១៨ខាងមុខនេះដែរ។ វាទើបតែបើកដំណើរការនៅឆ្នាំ២០០៥ និងជាកីឡដ្ឋានរបស់ក្រុមបាល់ទាត់ FC Volga Nizhny Novgorod ដែលអាចផ្ទុកអ្នកទស្សនាបានដល់ ៤៤ ៨៩៩ នាក់ ។

៧. Samara Stadium

Samara ជាកីឡដ្ឋានដែលអាចផ្ទុកអ្នកទស្សនាបាន ៤៤ ៩៨១ នាក់ ហើយចំណាយប្រាក់សាងសង់អស់ ៣២០លានដុល្លារអាមេរិក។

៨. Central Stadium (Volgograd)

Central ជាកីឡដ្ឋានដែលចាប់ផ្ដើមសាងសង់តាំងពីឆ្នាំ១៩៦៤ ហើយអាចផ្ទុកអ្នកទស្សនាបាន ៤៥ ០១៥ នាក់។

៩. Yubileyniy Stadium

Yubileyniy ជាកីឡដ្ឋានដែលអាចផ្ទុកអ្នកទស្សនាបាន ៤៥ ០១៥ នាក់ និងចំណាយប្រាក់សាងសង់អស់ ៣០០លានដុល្លារអាមេរិក។

១០. Central Stadium (Yekaterinburg)

កីឡដ្ឋានមួយនេះមានទីតាំងនៅ Yekaterinburg ដែលអាចផ្ទុកអ្នកទស្សនាបាន ២៧ ០០០នាក់។ វាសាងសង់តាំងពីឆ្នាំ១៩៥៧ ប៉ុន្តែទើបតែកែលម្អឡើងវិញនៅឆ្នាំ២០១១នេះទេ។

១១. Fisht Olympic Stadium

កីឡដ្ឋានមួយនេះមានទីតាំងនៅទីក្រុង Sochi ហើយអាចផ្ទុកអ្នកទស្សនាបាន ៤៧ ៦៥៩ នាក់។ វាទើបតែធ្វើការកែលម្អឡើងវិញនៅឆ្នាំ២០១៣ ហើយគិតជារួមទៅចំណាយអស់៧៧៩លានដុល្លារអាមេរិក។

១២. Rostov-on-Don Stadium