នុះ! ផលិតផលរបស់ Apple នឹងប្ដូរពីចិនទៅផលិតនៅឥណ្ឌា?

Foxconn ដែលជាក្រុមហ៊ុនទទួលសិទ្ធិផ្ដាច់មុខក្នុងការផលិត ផលិតផល Apple បានប្រកាសថា ខ្លួននឹងចាប់ផ្ដើមផ្លាស់ប្ដូរទីតាំងរោងចក្រពីប្រទេសចិនទៅកាន់ប្រទេសឥណ្ឌានាឆ្នាំ២០២០ខាងមុខនេះ។

យោងទៅតាមរដ្ឋាភិបាលឥណ្ឌាបានឲ្យដឹងថា Foxconn មានគម្រោងក្នុងការបោះទីតាំងរោងចក្រចំនួន១០ទៅ១២ទីតាំង និងកន្លែងផ្ទុកទិន្នន័យមួយកន្លែង នៅក្នុងប្រទេសឥណ្ឌាជាលើកដំបូង នាឆ្នាំ២០២០នេះ។

ការបង្វែរទៅផលិតនូវផលិតផលរបស់ Apple នៅក្នុងប្រទេសឥណ្ឌានេះអាចធ្វើឲ្យផលិតផល Apple ដូចជាកុំព្យូទ័រ Mac, Macbook, iPad, ឬ iPhone មានតម្លៃទាបជាងតម្លៃនាពេលបច្ចុប្បន្ន។ មូលហេតុនៃការផ្លាស់ប្ដូរនេះផងដែរ គឺដោយសារតែប្រទេសឥណ្ឌាមានតម្លៃពលកម្មទាបជាងប្រទេសចិន ដែលសព្វថ្ងៃនេះ តម្លៃពលកម្មរបស់ប្រទេសចិនកំពុងតែមានការកើនឡើង។

ថ្វីត្បិតតែមិនមានការឆ្លើយតបពីសំណាក់ក្រុមហ៊ុន Apple និង Foxconn ទាក់ទងនឹងបញ្ហានេះក៏ពិតមែន ប៉ុន្តែមន្ត្រីប្រទេសឥណ្ឌាមួយរូបបានឲ្យដឹងថា Foxconn កំពុងធ្វើការស៊ើបសួរមើលពីទីតាំងដែលនឹងត្រូវសាងសង់រោងចក្ររបស់ខ្លួន៕