Real Madrid ជាក្លិបលេខ១នៅអឺរ៉ុប ទោះអត់លើកពាន Champions League រដូវកាលនេះ

សហព័ន្ធបាល់ទាត់ទ្វីបអឺរ៉ុប UEFA បានស្រាវជ្រាវក្លិបដែលល្អជាងគេក្នុងរយៈពេល៥ឆ្នាំមកនេះ ហើយជាលទ្ធផលក្លិប Real Madrid ឈរចំណាត់ថ្នាក់លេខ១ លើក្រុមម្ចាស់ជើងឯក Champions League រដូវកាលនេះ Barcelona ទៅទៀត។

ទោះជា Barcelona ជាម្ចាស់ពានរង្វាន់ UEFA Champions League រដូវកាលនេះមែន ប៉ុន្តែបើគិតរយៈពេល៥ឆ្នាំកន្លងមកនេះក្រុមអ្នកមានបុណ្យនៅតែមិនអាចមានពិន្ទុល្អដាច់ក្រុមអធិរាជសបានដដែល ពោលគឺ Real Madrid ឈរនៅលេខ១ មាន ១៧១,៩៩៩ពិន្ទុ រីឯក្រុម Barcelona ឈរនៅលេខ២ មាន១៦៤,៩៩៩ពិន្ទុ។

ចំពោះការឱ្យពិន្ទុនេះដែរគឺធ្វើឡើងដោយគិតរយៈពេល៥កន្លងមកនេះ ថាតើក្រុមណាមានសមត្ថភាពឡើងមកលេងពានរង្វាន់ UEFA Champions League និង UEFA Europa League បានច្រើនជាងគេ ឡើងដល់វគ្គណា និងបានលើកពានឬអត់?

ចំពោះក្រុមណាបានឡើងមកលេងវគ្គជម្រុះជុំដំបូងបាន ០,៥ពិន្ទុ ឡើងវគ្គជម្រុះជុំទី២បាន១ពិន្ទុ។ ចំណែកក្រុមបានឡើងមកវគ្គចែកពូលបាន៤ពិន្ទុ ហើយបើប្រកួតឈ្នះក្នុងវគ្គចែកពូលនេះបាន២ពិន្ទុ ស្មើ១ពិន្ទុ។ ក្រុមឡើងដល់វគ្គ១៦ក្រុមចុងក្រោយបាន៤ពិន្ទុទៀត ហើយឡើងទៅវគ្គបន្ទាប់ក៏បាន៤ពិន្ទុថែមទៀតដែរ រហូតដល់លើកពានតែម្ដង។

ខាងក្រោមនេះជាពិន្ទុរបស់ក្រុមខ្លាំងដែល UEFA ដាក់ឱ្យក្នុងរយៈពេល៥ឆ្នាំមកនេះ៖

ឈ្មោះក្រុម	ពិន្ទុទទួលបានរយៈពេល៥ឆ្នាំ
Real Madrid	១៧១,៩៩៩
Barcelona	១៦៤,៩៩៩
Bayern Munich	១៥៤,៨៨៣
Chelsea	១៤២,០៧៨
Atletico Madrid	១២០,៩៩៩
Benfica	១១៨,២៧៦
Schalke 04	១១១,៨៨៣
Porto	១១១,២៧៦
Arsenal	១១០,០៧៨
Manchester United	១០៣,០៧៨
Paris Saint-Germain	១០០,៤៨៣
Valencia	៩៩,៩៩៩
Dortmund	៩៩,៨៨៣
Juventus	៩៥,១០២
Zenit St. Petersburg	៩០,០៩៩
Bayer Leverkusen	៨៧,៨៨៣
Manchester City	៨៧,០៧៨
Shakhtar Donetsk	៨៦,០៨៣
Basel	៨៤,៨៧៥
Napoli	៨៤,១០២

អ្វីដែលនឹកស្មានមិនដល់ក្នុងបញ្ជីខាងលើនេះគឺក្រុមម្ចាស់ជើងឯក Champions League ៥សម័យ Liverpool ធ្លាក់ដល់លេខរៀងទី៤២ឯណោះ ព្រោះថា៥រដូវកាលមកនេះក្រុមហង្សក្រហមមិនសូវជាបានលេងក្នុងពានរង្វាន់ធំជាងគេនៅអឺរ៉ុបនេះទេ ហើយបើបានលេងក៏មិនឡើងដល់វគ្គឆ្ងាយដែរ៕

ប្រែសម្រួល៖ មុន្នី រម្យ
ប្រភព៖ mirror

Real Madrid ​ជា​ក្លិប​លេខ​១​នៅ​អឺរ៉ុប ទោះ​អត់​លើក​ពាន Champions League ​រដូវ​កាល​នេះ

Real Madrid ជាក្លិបលេខ១នៅអឺរ៉ុប ទោះអត់លើកពាន Champions League រដូវកាលនេះ