ផលិតផលរបស់ Apple ពីរ គឺអាចជា iPhone 4s និង iPad 2 នឹងត្រូវបានក្រុមហ៊ុនមួយនេះលែងឲ្យ Update បន្តទៀត ក្រោយពេលក្រុមហ៊ុនចេញប្រព័ន្ធប្រតិបត្តិការថ្មី iOS9 នាទីក្រុង San Francisco នៅថ្ងៃទី៨ មិថុនាខាងមុខនេះ។
សារព័ត៌មាន Techradar បានទាយទុកមុនថា ប្រព័ន្ធប្រតិបត្តិការថ្មី iOS9 នឹងទម្លាក់ iPhone 4s និង iPad 2 លែងឲ្យ Update បន្តទៀត ដូច្នេះផលិតផលនេះត្រូវប្រើ iOS ចាស់រហូតដល់ក្ស័យជីវិត។
ក្រុមហ៊ុនបច្ចេកវិទ្យាយក្សអាមេរិកមួយនេះតែងបង្ហាញវត្តមានស៊េរី iPhone ថ្មីរបស់ខ្លួនរាល់ឆ្នាំ ជាមួយនឹងប្រព័ន្ធប្រតិបត្តិការថ្មី ដើម្បីដោះបញ្ហាផ្សេងៗ ដែលអ្នកប្រើប្រាស់បានជួបប្រទះក្នុងប្រព័ន្ធប្រតិបត្តិការមុន។ ថ្វីត្បិតតែប្រព័ន្ធប្រតិបត្តិការថ្មីនឹងជួយសម្រួលដល់ iPhone ឬ iPad កុំឲ្យគាំង ប្រើស្រួលជាងមុនក្ដី ប៉ុន្តែវាក៏លែងអនុញ្ញាតឲ្យផលិតផលបច្ចេកវិទ្យាចាស់ខ្លះអាច Update កើតដែរ។ ជាក់ស្ដែង iOS 8 បានទម្លាក់ iPhone 4 ចោល និង iOS 7 បានទម្លាក់ iPhone 3GS លែង Update កើត។
ប្រព័ន្ធប្រតិបត្តិការថ្មីអាចនឹងទម្លាក់ iPhone 4s និង iPad 2 គ្រាន់ជាការរំពឹងទុក។ តើវាពិត ឬយ៉ាងណា ត្រូវរង់ចាំតាមដាននៅថ្ងៃទី៨ មិថុនានេះទាំងអស់គ្នា។
ប្រភព៖ Techradar
Sign up here with your email
Conversion Conversion Emoticon Emoticon