អត្ថប្រយោជន៍ដ៏អស្ចារ្យនៃផ្លែអំពិល ដែលយើងគ្រប់គ្នាគិតមិនដល់

ការសិក្សាបានបង្ហាញឲ្យដឹងថា អំពិលមានសមត្ថភាពអស្ចារ្យក្នុងការព្យាបាល ជំងឺរាកមួល, ឈឺពោះ, ជំងឺគ្រុន, រាគ, ប្រមេះ, ប៉ារ៉ាស៊ីត, ការទល់លាមក និងជំងឺភ្នែក។

លើសពីនេះទៅទៀត អំពិលមានផ្ទុកសារធាតុដែលប្រឆាំងនឹងអុកស៊ីតកម្ម, ប្រឆាំងនឹងមេរោគ, ជួយព្យាបាលរបួស និងប្រឆាំងជាតិពិស។ ជាពិសេសវាមានប្រសិទ្ធិភាពប្រយុទ្ធប្រឆាំងនឹងជំងឺគ្រុនចាញ់, ជំងឺទឹកនោមផ្អែម និងជំងឺហឺតផង។

ជាមួយគ្នានេះផងដែរ ផ្លែអំពិលត្រូវបានគេប្រើជាយូរមកហើយក្នុងការព្យាបាល រំលាយអាហារ, បន្ថយអាការៈមិនស្រួលក្នុងក្រពះ, ព្យាបាលជំងឺទឹកប្រមាត់ ហើយក៏អាចប្រើជាថ្នាមបញ្ចុះ។ អំពិលក៏មានផ្ទុកបរិមាណដ៏ធំនៃទឹកអាស៊ី tartaric ជាពិសេសសារធាតុប្រឆាំងនឹងអុកស៊ីតកម្មដ៏មានឥទ្ធិពលក្នុងការបំផ្លាញ់រ៉ាឌីកាល់សេរី។

អំពិលមានផ្ទុកនូវសារធាតុរ៉ែជាច្រើនដូចជា៖ ប៉ូតាស្យូម, កាលស្យូម, ជាតិដែក, ស័ង្កសី និងទង់ដែង។ ប៉ូតាស្យូម មានភាពចាំបាច់សម្រាប់សម្ពាធឈាម និចង្វាក់បេះដូង ចំណែកឯជាតិដែក មានសារៈសំខាន់ក្នុងការផលិតកោសិកាគ្រាប់ឈាមក្រហម។

សរុបមកវិញអំពិលមានប្រសិទ្ធិភាពក្នុងការព្យាបាលសុខភាពបានច្រើនមុខ នេះហើយជាមូលហេតុដែលគេប្រើយ៉ាងទូលំទូលាយ រួមទាំងបញ្ហាសសៃឈាមបេះដូង ក៏ដូចជាបញ្ហាក្រពះ និងប្រព័ន្ធរំលាយអាហារ។ ដូច្នេះហើយ អ្នកគួរតែមានទម្លាប់បញ្ចូលអំពិលទៅក្នុងរបបអាហារជាប្រចាំដើម្បីកែលម្អសុខមាលភាពរបស់អ្នក៕

ប្រភព៖ healthyfoodhouse

អត្ថប្រយោជន៍ដ៏អស្ចារ្យនៃផ្លែអំពិល ដែលយើង​គ្រប់គ្នា​គិតមិនដល់

អត្ថប្រយោជន៍ដ៏អស្ចារ្យនៃផ្លែអំពិល ដែលយើងគ្រប់គ្នាគិតមិនដល់