Samsung បញ្ជាក់ថា Galaxy Note 5 មិនប្រកាសក្នុងខែកក្កដាទេ

6 Jun, 2015 08:28

0 Comment (s)

កាលពីពេលកន្លងទៅ មានពាក្យចចាមអារាមថា ក្រុមហ៊ុន Samsung នឹងប្រកាសទូរសព្ទ Smartphone ត្រកូល Note គឺ Galaxy Note 5 នៅខែកក្កដា ប៉ុន្តែនៅថ្ងៃពុធ ក្រុមហ៊ុននេះបែរជាបញ្ជាក់ដោយប្រយោលថា នឹងលើកទៅប្រកាសនៅក្នុងខែកញ្ញា ដូចរាល់ឆ្នាំវិញ។

អ្នកគ្រប់គ្រងជាន់ខ្ពស់របស់ Samsung លោក VP Rhee In Jong បាននិយាយថា Samsung Pay នឹងប្រកាសនៅខែកញ្ញាជាមួយនឹង Smartphone ជំនាន់ថ្មីដែរ។ ជាមួយគ្នានេះ លោកក៏បានធ្លោយមាត់និយាយដោយប្រយោលថា ក្រុមហ៊ុនពិតជានឹងប្រកាស់ Galaxy Note 5 ក្នុងខែកញ្ញានោះមែន។ ដូច្នេះពាក្យចចាមអារ៉ាម ដែលថា Galaxy Note 5 នឹងប្រកាសនៅអាមេរិក និងកូរ៉េខាងត្បូង ក្នុងខែកក្កដាឆ្នាំនេះ គឺពីរខែមុនទន្លាប់ដែលខ្លួនធ្លាប់ធ្វើរាល់ឆ្នាំ ត្រូវបានច្រានចោល។

ខាងក្រោមនេះគឺលក្ខណៈសម្បត្តិប្រហែលជាមាននៅលើ Galaxy Note 5៖

- អេក្រង់ 4K ទំហំ ៦ អ៊ីញ Super AMOLED
– CPU៖ ប្រភេទ Exynos 7422 (CPU, GPU, RAM, Memory និង Modem គឺស្ថិតនៅលើ chip តែមួយ)
– ម៉េមូរីវិញទំហំ 64/128GB អាចបន្ថែម MicrosSd ដល់ទំហំ 256GB
– ប្រព័ន្ធប្រតិបត្តិការ៖ Android 5.1 Lollipop (មិនមែន Android M )
- កម្រិតថាមពលថ្ម 4100 mAh៕