HTC បង្ហាញទូរសព្ទថ្មីស្រោបមាសតែភ្លាត់ឲ្យគេឃើញថតពី iPhone

កាលពីសប្ដាហ៍មុន HTC បានបង្ហាញពីវត្តមានទូរសព្ទ HTC One M9 មានចំនួនកំណត់ជំនាន់ថ្មីធ្វើឡើងពីមាស២៤ការាត់ (ស្ទើរតែមាសសុទ្ធ)។ តែអ្វីដែលគួរឲ្យភ្ញាក់ផ្អើលសម្រាប់អ្នកប្រើប្រាស់បណ្ដាញសង្គមនោះ គឺរូបភាពដែលបង្ហាញដោយក្រុមហ៊ុន HTC គឺប្រើប្រាស់នូវទូរសព្ទ iPhone ដើម្បីថតទៅវិញ។

HTC បានបង្ហោះរូបភាពចំនួន៣សន្លឹកនៅលើបណ្ដាញទំនាក់ទំនងសង្គម Twitter ដើម្បីបង្ហាញពីរូបរាងដ៏ស្រស់ស្អាតរបស់ HTC One M9។ ក្នុងចំណោមរូបទាំង៣ គេសង្កេតឃើញថា មានរូបភាពមួយសន្លឹកបានបង្ហាញយ៉ាងច្បាស់ពីរូបរាងរបស់ទូរសព្ទ iPhone។ មិនយូរប៉ុន្មាន HTC ក៏បានធ្វើការដកនូវរូបភាពនោះចេញ ដោយទុកតែរូបភាព២សន្លឹកប៉ុណ្ណោះ តែទោះជាយ៉ាងណា រូបភាពដែលត្រូវបានដកចេញនោះត្រូវបានគេចែកចាយពាសពេញបណ្ដាញសង្គមទៅហើយ។