អ្នកចាត់ការ Rafa Benitez របស់ក្រុម Real Madrid នឹងប្រើយុទ្ធសាស្ត្រថ្មីដាក់កីឡាករ Gareth Bale ឱ្យទៅលេងនៅប្រយុទ្ធស្លាបឆ្វេងដូចកាលរូបគេលេងនៅ Spurs ហើយ Cristiano Ronaldo ត្រូវទៅតំបន់កណ្ដាលជំនួស Karim Benzema វិញ។ នេះបើតាមកាសែតនៅអេស្ប៉ាញបានចុះផ្សាយ។
លោក Benitez ដែលទើបតែមកជំនួសលោក Carlo Ancelotti ត្រូវបានគេដឹងថាកំពុងតែរៀបចំប្រព័ន្ធយុទ្ធសាស្ត្រថ្មី (៤-២-៣-១ ) ដើម្បីត្រៀមសម្រាប់រដូវកាលក្រោយ។ ក្បួនថ្មីនេះដែរ គឺនឹងអនុញ្ញាតឱ្យ Bale ទៅលេងនៅតំបន់ស្លាបឆ្វេងរបស់គេវិញ ដូចកាលលេងឱ្យក្រុម Spurs ។ ចំណែកឯកំពូលខ្សែប្រយុទ្ធ Ronaldo វិញនឹងផ្លាស់ទៅតំបន់កណ្ដាលជំនួសកីឡាករ Karim Benzema ។
ការផ្លាស់ប្ដូរនេះសបញ្ជាក់ឱ្យឃើញថាអនាគតរបស់ខ្សែប្រយុទ្ធជម្រើសជាតិបារាំងកាន់តែមិនប្រាកដប្រជាហើយនៅ Bernabeu ព្រោះរូបគេនឹងត្រូវអង្គុយនៅកៅអីបម្រុងសិន ប្រសិនបើមិនផ្លាស់ចេញនៅរដូវកាលក្រោយនេះទេ។ មួយវិញទៀត កាលពីពេលថ្មីៗនេះក៏មានលេចឮដំណឹងមកថា កីឡាករពាក់អាវលេខ៩រូបនេះអាចនឹងផ្លាស់ទៅលេងនៅ Manchester United ឬ Arsenal ផងដែរនៅរដូវកាលក្រោយនេះ ហើយក្រុម Real Madrid ក៏ត្រៀមទិញយកកីឡាករថ្មីមកដែរ។
យុទ្ធសាស្ត្រ (៤-២-៣-១ ) គឺទម្រង់ការពារដែលលោក Benitez តែងតែប្រើអំឡុងពេលដឹកនាំក្រុម Napoli, Chelsea និង Liverpool ហើយក្រុម Real Madrid ក៏ធ្លាប់ប្រើម្ដងមកហើយដែរអំឡុងពេលប្រកួតជាមួយ Barcelona ហើយពេលនោះក៏ទទួលបានជោគជ័យផងដែរ។
យោបល់ប្រិយមិត្តវិញ គិតថាការផ្លាស់ប្ដូរនេះអាចធ្វើឱ្យក្រុម Real Madrid ខ្លាំងជាងមុនឬយ៉ាងណា?
Sign up here with your email
Conversion Conversion Emoticon Emoticon