កាលពីថ្ងៃច័ន្ទម្សិលមិញក្រុមហ៊ុន Facebook បានបង្ហាញនូវកម្មវិធីថ្មីដែលមានឈ្មោះថា Moments app សម្រាប់iOS និង Android ដែលអាចឲ្យអ្នកប្រើប្រាស់ Share រូបភាពកាន់តែងាយស្រួល និង សម្ងាត់ជាមួយ Friends លើ Facebook ដោយការប្រើបច្ចេកវិទ្យាសម្គាល់មុខ ( facial recognition technology ) ។
Moments app របស់ Facebook អាចឲ្យអ្នកប្រើប្រាស់បង្កើត Group និង Sync រាល់រូបភាពទាំងអស់ដែលអ្នកត្រូវបាន Tag និង Friend ដែលអ្នកបាន Tag ដោយប្រើបច្ចេកវិទ្យាសម្គាល់មុខ និងរៀបចំវាដាក់ជាក្រុមដើម្បីផ្ដល់ភាពងាយស្រួលក្នុងការ Share រូបភាពទាំងនោះទៅកាន់ Friend ជាក់លាក់ណាមួយរបស់អ្នក។
បន្ថែមទៀតនោះអ្នកប្រើប្រាស់ក៏អាច Share រូបភាពផ្ទាល់ខ្លួនទៅក្នុង Group ហើយនៅពេលនោះអ្នក និង Friend របស់អ្នកនឹងមានរូបភាពទាំងអស់រួមគ្នាក្នុងកន្លែងតែមួយ។ ក្រៅពីនេះ Moments app អាចរក្សារទុករាល់រូបភាពទាំងអស់ដែលអ្នកបាន Sync និងផ្ដល់ភាពងាយស្រួលក្នុងស្វែងរកថែមទៀតផង។
Moments app គឺត្រូវបានបង្កើតឡើងដោយ Artificial Intelligence Research (FAIR) lab របស់ Facebook ដែលមានក្រុមអ្នកស្រាវជ្រាវចំនួន ៥០ នាក់ដឹកនាំដោយលោក Yann LeCun។ បច្ចុប្បន្ននេះ កម្មវិធីនេះគឺត្រូវបានដាក់ឲ្យប្រើនៅក្នុងសហរដ្ឋអាមេរិកតែប៉ុណ្ណោះ។ ចំពោះប្រទេសផ្សេងទៀតនឹងដំណើរការនៅពេលក្រោយ៕
ប្រែសម្រួល៖ សំនៀង
ប្រភព៖ techone3
Sign up here with your email
Conversion Conversion Emoticon Emoticon